Matemàtega
Ła matemàtega (dal greco μάθημα siensa o saver; μαθηματικóς, omo che vołe conóser) ła xe ła parte del saver che descrive łe règołe del mètodo par catar concluxion da asiomi e definision. Seben a lòxica anca studia el pensier, ła matemàtega xe na scianta diversa, parché ła studia problemi de cuantità, estension e figure spasiałi. Ła matemàtega no ła xe na siensa cofà ła fixica, ła chimega, ła biołogia o ła giołogia parché cueste łe xe siense indutive, e ła matemàtega ła xe dedutiva.
